Help Aqsa

الأحد، 14 أكتوبر، 2007

تعرف إيه عن.. المنطق؟

تقريبا ده واحد من أشهر المشاهد في تاريخ المسرح المصري.. ولو دققت النظر فيه شوية هتكتشف إنه مش مشهد مسرحي كوميدي وبس.. لأ سيادتك.. ده تقريبا بيعبر عن حال شعب بحاله! مش مصدقنا وحاسس إن الكلام كبير؟
طيب تعال نشوف المشهد ونتكلم بعدها
*******
تدخل أستاذة عفت -سهير البابلي إلى داخل الفصل الذي يضم أكثر خمسة طلاب مشاغبين في المدرسة والذين يتزعمهم بهجت الأباصيري- عادل إمام، يشاكسها الطلاب ويضيقون عليها الخناق.. تحاول أن تسيطر على النظام داخل الفصل المعجون بمية عفاريت.. أخيرا تنجح في ذلك.. يجلس الطلاب في أماكنهم.. تمسك هي بالكتاب
تطلب من المشاكس الأكبر ذي اللسان الطويل مرسي الزناتي- سعيد صالح أن يقف حتى يجيب عن السؤال الصعب
تعرف إيه عن المنطق؟
لا يحتار الزناتي كثيرا في الإجابة، ولا يرهق نفسه للحظة واحدة في التفكير أو في ترتيب الأفكار أو حتى استدعاء أي معلومة، بسرعة الرصاصة يرد: هو إن الواحد يقع على الأرض مايحطش... منطق
يرتج المسرح كله بالضحك، وتمتلئ عيوننا بالدموع من كثرة الضحك، ويمسك أحدنا جانبه الأيمن متألما من عدم قدرته على أن يمنع نفسه من القهقهة بصوت عال
*******
طبعا المشهد كوميدي بالفعل.. وكل مرة الواحد بيشوفه بيضحك من قلبه رغم إنه تقريبا حافظه وعارف كل حرف بيتقال فيه
بس تعال نعمل حاجة مع بعض ممكن نسميها التفسير الماورائي للمشهد
ماتتخضش من الكلام المكلكع ده
كل ما هنالك إننا هنحاول نطلع من المشهد ده بدلالات ونتائج مختلفة عما هو ظاهر
يعني اللي ظاهر إن مرسي الزناتي دمه خفيف.. وإنه بيحاول يخرج من الموقف الصعب اللي اتحط فيه بفهلوة
لكن اللي في الباطن بقى حاجة تانية
*******
عد معانا..
مرسي الزناتي
بيحاول يفتي في الموضوع اللي ماعندهوش عنه أي فكرة خالص
مرسي الزناتي
لا يكتفي بكونه لا يعرف.. وإنما يجادل فيما يقوله وهو عارف إنه غلط أساسا
مرسي الزناتي
بيتكلم بثقة العالم، وبيقين العارف ببواطن الأمور، ويتحدث عن المنطق وكأنه أرسطو ذاته رغم أنه لا يعرف عن المنطق سوى أن الواحد من دول بيقع فمايحطش منطق
بل إن مرسي الزناتي في المشهد التالي -الذي لم نروِه لكن الكل في الأغلب يتذكره- سيسخر من أستاذة عفت –اللي المفترض يكون عندها المعلومة الصحيحة- ولما هيطلع على السبورة عشان يكتب ما ستمليه عليه من تعريف للمنطق
سيكتب كلمة من بطول وعرض السبورة حتى لا يكتب أي كلمات أخرى ولا يعرف المعنى الصحيح للـالمنطق، وكأنه كمان لا يكتفي بعدم معرفته بتفاصيل الموضوع الذي يتناقش فيه مع غيره وإنما يرفض حتى أن يسمع وجهة نظر الآخر ولا يعطي لهذا الآخر فرصة في أن يصحح المعلومات المغلوطة لديه
اللطيف بقى إن شخصية مرسي الزناتي خرجت من المسرح اللي كان بيعرض مسرحية مدرسة المشاغبين إلى مسرح أكبر بكتير هو -تقريبا- كل مساحة جمهورية مصر العربية
*******
في كل حتة بتروحها في مصر سيادتك تلاقي لك واحد مرسي الزناتي طالع في وشك
ودايما تلاقيه فاهم وعارف في كل حاجة
تكلمه عن مستقبل الحياة السياسية في مصر
شغّال
عن الوضع في الشرق الأوسط بعد حرب لبنان
شغّال
عن الأسباب التي جعلت فلافيو ينتفض ويجيب 3 أجوان في 5 أيام بعد ما قعد سنة كاملة مايجيبش ولا جون
برضه شغّال
يحكي لك عن أسباب نجاح محمد سعد في حصد الإيرادت
وأسباب تزايد نسبة الطلاق في مصر
أسباب تصادم القطارات في مصر
وتساقط أوراق الشجر في الخريف
وتفتح الزهور في الربيع
والسحابة السوداء
و... و... و
في كل حاجة تلاقيه واقف وفارد صدره وبيتكلم بثقة ومعرفة تجعلك تتساءل
هو ازاي الراجل ده ماخدش نوبل لغاية دلوقتي؟
*******
الكارثة إنه بيتكلم في كل الحاجات دي وهو أساسا ماعندهوش خلفية عن أي حاجة خالص
بس هو بيعتمد على الصوت العالي وبس.. وتلاقيه برضه بيسخر من آرائك ويرفض أن يسمعها.. فتتنرفز إنت.. فتزعق.. فيزعق.. هوب تقوم خناقة.. لأن مرسي الزناتي بيتكلم عن المنطق يا رجالة
صدقونا دي واحدة من أكبر المشاكل اللي بنواجهها رغم أنها قد تظهر للبعض وكأنها عادية أو تافهة
*******
المشكلة الكبرى
أن لا أحد يقرأ أو يهتم بأن يعرف معلومات صحيحة قبل أن يتكلم في أي موضوع.. مافيش أي أساس عنده من المعرفة ومع ذلك بيتكلم ويقول ويبعبع
بس بذمتك كده -واحنا في شهر مفترج زي رمضان كان رمضان لسة مخلصش هههه وعيب تكذب- كنت كام مرة مرسي الزناتي؟
*******
كام مرة؟
دخلت في حوار ونقاش تقول فيه أحلى كلام وإنت أصلا ماتعرفش الناس بتتكلم عن إيه أساسا؟
كام مرة؟
قلت رأيك في قضية علمية بحتة وأنت تنظر إلى السماء لتتأمل النجوم المتلألئة وكأنك أينشتين بعث من قبره من جديد، وأنت أصلا ماتعرفش عن الذرّة سوى أنها كوز ذرة
كام مرة؟
تكلمت في السياسة وكأنك محمد حسنين هيكل في البرنامج المغلوط اللي بيجي علي الجزيرةوتناقشت في جذور القضية الفلسطينية ومشاكلها وأنت أصلا ماتعرفش إن فلسطين محتلة من سنة 1948
*******
احنا لا ندعو إلى أن تنخرس عن الكلام وماتحطش منطق! بل بالعكس ياريت اللي عنده حاجة يقولها... بس يقولها عن فهم ومعرفة ورغبة في أن يتقبل رأي الآخر.. مش عن جهل وعند وجر شكل
تفتكروا كلامنا ده صح فعلا
وإن مرسي الزناتي فعلا أصبح منتشر في حياتنا
ولا كلامنا ده مالهوش أساس
منقول بتصرف

التسميات:

0 تعليقات:

إرسال تعليق

الاشتراك في تعليقات الرسالة [Atom]

<< الصفحة الرئيسية

Bookmark and Share
أنااللي بالأمر المحال اغتوى..
شفت القمر نطيت لفوق بالهوا..
طلته ما طلتوش إيه انا يهمني....
وليه ...ما دام بالنشوة قلبي ارتوى.
عجبي!!!!!!
اضغط هنا علشان تسمع

..
الشبكة الإسلامية الشبكة الإسلامية  اسلام اون لاين  عمرو خالد  الاخوان المسلمون  حركة المقاومة الاسلامية حماس  قناة العفاسي   قناة المجد  لا لحظر بث قناة الأقصى الفضائية التابعة لحركة حماس  قناة الرسالة  قناة اقرأ  الجالية المصرية في مصر  الدفتر  خانة  جريدة الشعب   جريدة الدستور    جريدةالمصريون    المصري اليوم   20@t   مجمع المدونات المصرية  الجزيرة نت   شبكة الاخبار العربية محيط   وكالة انباء الشرق الاوسط   بي بي سي عربي   وكالة رويتر للانباء   سي ان ان عربية  العربية نت  وكالة الانباء الفرنسية لا للتعذيب لا للتعذيب  حركة أبناء مصر
بحب مصر عاوز اشتغل يا كبييير عيب عليك يا اخي حملة إفضحـــــــــــــوا تجــــــار الكيــــف حتى لا تكونى نجمة الكليب الإباحى الجديد  رابطة مشجعي النادي الاهلي مرصد المدونين BlogBackupOnline توفير نسخ احتياطي دوري لمدونتك باسهل الوسائل
سيبونا بقي plog الشبكة العربية لمعلومات حقوق الإنسان podcast directory
Blogging Blogs - BlogCatalog Blog Directory
راديو عيب عليك قريبا

Powered by Blogger

دليل سفن للمدونات My BlogCatalog BlogRank
Blogger Talk
PageRank Blogging Fusion Blog Directory





لافتة يوتوبيا مصرية


خايف ليه خش واتعلم حصريا من بنت مصرية
Free Tell A Friend from Bravenet.com Free Tell A Friend from Bravenet.com